قامت لجين شومان، ابنة الفنان الهارب محمد شومان، بنشر فيديو لها من خلال حسابها الرسمي على "الفيسبوك" هاجمت من خلاله والدها عضو جماعة الاخوان المحظورة ,قائلة : اضطريت آسفه اعمل الفيديو ده بعد ما تجنبته لسنين، لاسباب كتير اوى منها ان ناس قليله جدا اللي تعرف انك بابايا. فعلا كان نفسي اكمل كده و محدش يعرف.
وقالت "لجين" خلال الفيديو : انا لجين شومان، بنت محمد شومان اللي اصدر بيان على صفحته الرسمية بيناشد السلطات انها تنقذ اسرته اللي بتموت بالبطئ .. اسرته اللي هي انا واختي و اخويا وانهم يفرجوا عن اخويا من غير اي شروط .. مبدأيا احنا مش اسرتك عشان انت مجرد اسم علي البطاقة احنا ليس لنا اي صلة بيك وقطعنا كل ما لينا علاقة بيك من 5 سنين .. وابنك انت متحملتش مسؤليته من وهو عنده سنة ونص واللي اتربي مع أمه
وأستطردت :انت بتتكلم بلسانا ده مش من حقك,إنت مش رب اسرتنا .. رب اسرتنا هي امي انت مش مسؤل عننا,هما بيحققوا مع اخويا عشان يعرفوا انه مالوش صلة بيك وهما عارفين ده و هيطلع بس مالكش دعوة انت
وأضافت : عايز تعمل اب انزل وواجه لكن مش قاعد ف بلد تانية وبتتكلم وحاولنا كتير نشيل اسمه من البطاقة بس معرفناش وبوجه رسالة للسلطات يعرفونا ازاي نتبرأ خالص منه يعرفونا ازاي