هل تعلم ان الافراج الجمركى للسيارة الهيونداى التوسان اعلى فئة ذات المنشأ الاوروبى إجمالى قيمة السيارة بالفاتورة 268 ألف جنيه و يضاف عليها رسوم قيمة مضافة ورسم تنمية 90 ألف جنيه بعد صفر جمارك ليصبح ثمن السيارة واقف على المستورد ( وكيل أو تاجر ) ب 360 ألف جنيه فين حين ان المعارض والتوكيلات تقوم ببيعها فى مصر بما يعادل 600 ألف جنيه ويقوم باحتساب فرق الجمرك كمكسب ! ليصبح مبلغ الربح 240 ألف جنيه من جيب المستهلك ..
مع إن هامش الربح العادل المفروض يكون 20 % بعد كل التكلفة والمصاريف
انما مش 67 % هامش ربح ..
ده الإفراج الجمركي بتاع العربية الهيونداي التوسان اللي بتتباع من أول 550000 لغاية 600000 بتيجي من بره بسعر 268633 والجمرك ياخد 91000 يبقي المجموع.
359633 لما نطرحهم من 600000 هايطلع فرق 240000 المبلغ ده بيتقسم مابين غبور اللي ليه النسبة الأكبر وبين المعرض عشان تكمل وده جزء من مافيا التهليب اللي موجودة حوالينا بص لأي منظومة حواليك في اي مجال وخش في تفاصيلها هاتفهم ان احنا بنتسرق من زمان 😠
#خليها_تصدى اصل مش الدولة تتنازل عن الجمرك بموجب إتفاقية الجات لصالح المستهلك وحضرتك تحط اللى كانت بتاخده الدولة.
مش هنشترى لحد ما تنزل للسعر العادل وتحترم المستهلك"..
هكذا علق المتابعين فى جروب حمله خليها تصدي على الفيسبوك وهو جروب ضد جشع توكيلات السيارات فى مصر
