تداول رواد مواقع التواصل الاجتماعي، مقطع فيديو مؤثر لممرضة بمستشفى الصدر بالدقهلية، مصابة بفيروس كورونا، تشكو من تعرضها للتنمر، واتهامها بأنها مصدر الوباء في المحافظة.
وقالت الفتاة في الفيديو المتداول:" أنا ممرضة من ضمن اللى اتصابوا بكورونا.. لما عرفنا الخبر إن النتيجة إيجابية.. بالعكس احنا رضينا بقضاء الله.. وقولنا الحمد الله على كل حال.. واحنا المفروض إن ده دورنا إن احنا نصبر الناس.. وقولنا الحمد الله أزمة وهتعدى وهنبقى بخير بإذن الله".
وتابعت الممرضة وهي تبكي: "بعد كده لقينا مواقع التواصل الاجتماعي عليها أرقامنا وصور بطايقنا.. وناس تكلمنا اللى بيقول كلمة حلوة واللى بيشجعنا.. وفيه كمان اللى بيقولوا إن إحنا نشرنا الوباء وإننا مصدر العدوى والسبب فى كل اللى بيحصل ده".
وواصلت وهي في حالة انهيار: "إحنا بجد تعبانين اتقوا الله فينا.. احنا تعبانين بجد نفسيتنا مدمرة.. وعلاجنا معظمه نفسيا.. اتقوا الله فينا حسبى الله ونعم الوكيل".
